ФОТО+ВИДЕО | Фарел Вилијамс ја отвори модната недела во Париз со новата колекција на „Луј Витон“
Фарел Вилијамс, музичар, продуцент и моден дизајнер ја претстави својата колекција на модната недела во Париз. Неговата нова колекција се заснова на „Дивиот Запад“, па клучните детали на линијата се каубојски чизми и шешири, тексас облека… Ова е трето претставување на колекцијата на Вилијамс откако стана креативен директор на „Луј Витон“ за машка облека.
Вилијамс му се придружи на францускиот бренд минатата година во знак на сè попрофитабилното испреплетување на модата, музиката и славните личности.
Тој го отвори првиот ден од Париската модна недела, со колекција полна со тексас, реси и пончо инспирирани од Индијанците, цветни везови со бисери, светки и доволно разновидни каубојски чизми и капи за да се направи фестивал на кантри музика.
@runwaymood Designer Pharrell Williams saying his thanks after presenting his Men’s Fall-Winter 2024 AW24 collection for Louis Vuitton during Paris Fashion Week #louisvuitton #parisfashionweek #fashion #pharrellwilliams #runwaymood #lvmenfw22 #fashionweek ♬ Originalton – Runway Mood
Шоуто се одржа во голем хангар покрај уметничкиот музеј на Фондацијата „Луј Витон“ на компанијата во западен Париз и привлече ѕвезди меѓу кои актерите Бредли Купер и Омар Сај и раперите Плејбој Карти и Пуша Т.
Ноќта заврши со настапот на Вилијамс заедно со британскиот бенд Мамфорд енд санс (Mumford and Sons) и група американски традиционални музичари.