Францускиот актер Венсан Касел во април ги избриша сите заеднички фотографии со поранешната сопруга Тина Кунаки, а сега наводно е во врска со нејзината бразилска двојничка, пишува „Венити фер“.

Поранешниот сопруг на италијанската актерка Моника Белучи, неодамна се раздели од манекенката Тина Кунаки (26), по пет години брак. Сè уште не е познато дали парот официјално се развел, но очигледно е дека актерот многу брзо продолжил понатаму.

Имено, тој и бразилската манекенка Нара Баптиста, која е 30 години помлада од него, започнале да флертуваат преку Инстаграм, а сега се забележани дека времето го поминуваат заедно во Рио де Жанеиро.

Инаку, Нара Баптиста работи како модел и учествуваше на изданието „Мис Универзум“ во Австралија 2020 година. Но, настрана од нејзината убавина, сите коментираат дека највпечатливото кај неа е нејзината неверојатна сличност со Тина Кунаки, поранешната сопруга на Касел.

Венсан Касел и Тина Кунаки ја имаат ќерката Амазони, родена во 2019 година. Актерот има и две постари ќерки од бракот со Моника Белучи, Дева (19) и Леони (13).

ФОТО: Бившиот сопруг на Моника Белучи ужива со 23-годишната манекенка на плажа во Бразил