Актуелниот македонски шампион Вардар од вчера се наоѓа во Норчија, Италија, каде ќе ја одработи главната фаза од подготовките за настапот во квалификациите за Лигата на шампионите ова лето.

Тимот работи под водство на новиот тренер, аргентинскиот стратег Кристијан Фабијани, но на стартот од подготовките нема да биде комплетен составот. Дел од играчите добија дополнителен одмор поради репрезентативните обврски. Според планот, репрезентативците на Вардар се очекува да се вратат во тренажен процес на 14 јуни.

За време на престојот во Италија, црвено-црните ќе одиграат и пет пријателски натпревари како дел од проверката на формата пред европските предизвици.

Ждрепката за квалификациската фаза од Лигата на шампионите е закажана за 16 јуни.