Младата актерка и ѕвезда на серијата „Stranger Things“, Мили Боби Браун (19) откри дека е свршена со своето момче Џејк Бонџови (20).

Имено, таа објави симпатична фотографија на својот инстаграм-профил, на која позира со својот дечко, кој е син на легендарниот рок-пејач Џон Бон Џови од музичката група „Бон Џови“.

Тинејџерската ѕвезда, насмеана од уво до уво, го покажа блескавиот прстен во прегратките на својот свршеник на црно-бела фотографија која бргу наиде на вртоглави реакции. Поради овој убав повод, младата двојка позираше на плажа.

„Душо, те сакав три лета и сакам да биде вака засекогаш“, напиша младата актерка во описот на фотографијата.

И Џејк Бонџови ја потврди веста на неговиот инстаграм-профил, објавувајќи неколку фотографии од истата фотосесија и додавајќи го краткиот опис: „Засекогаш“.

Додека нејзините многубројни обожаватели беа воодушевени од објавата, на некои не им се допадна веста, посочувајќи дека актерката сѐ уште е „само дете“.

Имено, Мили Боби Браун и Џон Бон Џови се запознаа пред три години, а актерката неодамна раскажа како се случило тоа. Таа откри дека пред да влезат во романтична врска, тие се запознале на Инстаграм и дека на почеток биле пријатели.