Голманот на Шкендија Арачиново, прилепчанецот Антонио Столевски е најзаслужен за промоцијата на „црвено-црните“ во прволигашкото друштво откако во пенал рулетот со Пелистер одбрани пет удари од белата точка.

Со одбраните кој значеа пласман во повисок ранг, арачиновци „збеснаа“ по 23-годишниот Столевски, додека пак админот на фејсбук страната на арачиновска Шендија го нарече „иконата на Арачиново“.

Инаку Столевски, во последните три сезони одигра три баражи и на сите три на крајот излегуваше како победник со своите екипи.