ФОТО | Сонце, плажа и водени лудории: Сара Мејс и Димитар Атанасовски максимално уживаат во летниот одмор со децата
Македонската пејачка Сара Костадиновска, позната како Сара Мејс и водителот Димитар Атанасовски споделија моменти на социјалните мрежи од летниот одмор со нивните дечиња – шестгодишната ќерка Илина и тригодишниот син Кирил.
Препорачано
Семејството одлучи да ужива во убавините на грчките плажи и максимално да ги искористат летните денови, а сега им открија дел од семејната идила на нивните следбеници.
View this post on Instagram
На фотографиите кои ги споделија, може да се види како четворицата поминуваат време одмарајќи и читајќи книги покрај зајдисонце, но се забавуваат и со различни водени лудории и активности на плажа.
Објавата од нивниот одмор покажа дека Сара и Димитар живеат хармоничен, семеен живот исполнет со многу забава и предизвики голем број позитивни реакции меѓу следбениците.
Во интервју за „Слободен печат“, Сара неодамна изјави дека мајчинството стопроцентно ја променило.
„Речиси ништо не остана од старата Сара. Остана суштината, секако љубовта и секогаш спремноста да се гине за работите што се сакаат, но ме научи на многу важни работи, како на пример, уште повеќе да си го почитувам времето, спокојот. Не се опишува начинот на кој те менува мајчинството, тоа е една магија што е индивидуално патешествие и може да се разбере само кога ќе се доживее“, изјави таа за нашиот медиум.
Сара и Димитар се во брак речиси една деценија, од 2017 година, а пејачката вели дека функционираат така што се договараат околу сè.
„Функционираме со договор, разговор, многу разбирање и желбата да ни е добро на двајцата, а не едниот да гине, а другиот да се лади. Секогаш ги делиме обврските колку можеме поудобно за двајцата и на начин што во тој даден момент ќе функционира добро за двајцата, односно четворицата. Зависи, нели, во каков хаос сме, зошто кај нас не е од 8 до 16 часот работата, туку во различни периоди имаме различни обврски“, изјави пејачката за „Слободен печат“.
