Кортни Кардашијан и Скот Дисик се омилен пар на многу љубители на реалните шоуа кои го следат животот на семејството Кардашијан.

Иако никогаш не се венчаа, нивната вонбрачна афера траеше со години, а тие негуваа пријателска врска и по раскинувањето, за нивните три деца да не поминат низ емотивна криза. Иако и двајцата беа во врска со многу помлади партнери, се чини дека раскинувањето само им помогна на двајцата да разберат колку всушност се сакаат.

По роденденското патување на Ким Кардашијан, парот сподели неколку неверојатно романтични фотографии, кои ги натераа обожавателите ширум светот да помислат дека сега конечно е време за помирување. Зајдисонце и двајцата само, има ли нешто повеќе што навестува помирување? Сè уште постои љубов.

Кортни Кардашијан пред извесно време објави фотографија од почетокот на нивната романса на нејзиниот Инстаграм профил, што предизвика уште поголеми сомнежи кај обожавателите.

– Нивната врска многу се смени во последно време. Тие поминуваат сè повеќе време заедно. Скот отсекогаш ја сакал Кортни и ако таа одлучи да се врати кај него, тој ќе ја чека со раширени раце, изјави извор за „УС Викли“.

Иако Кортни Кардашијан и Скот Дисик не ги коментираа овие написи, се чини дека нивната врска оди во вистинска насока. Тристан и Клои, Ким и Канје, а сега и Кортни и Скот, се чини дека сите парови ќе можат да најдат заеднички јазик и да продолжат таму каде што застанаа.