Пејачката со корени од албанско семејство од Македонија, Бебе Реџа, одлучила својата потрага по партнер да ја подигне на ново ниво – побарала помош од своите обожаватели.

Во објава на „Икс“, Бебе ги замолила своите обожаватели да ѝ помогнат да најде „татко за бебе“ (маж со кое ќе добие дете) и им дала детален список на барања што кандидатот мора да ги исполни.

„Реџарси. Имате мисија“, напишала 36-годишната Реџа. „Пронајдете ми татко за бебе“. „Еве што барам“, продолжила поп-ѕвездата, објаснувајќи ги своите критериуми. Кога станува збор за изгледот, таа рекла дека е „добро шест или седум“ на скала од еден до 10. „Личноста ми е клучна“, објаснила пејачката.

Rexhars. You have a mission.

Find me a baby daddy.

Here is what I’m looking for:
Looks: I’m ok with a 6 or 7 (personality is key for me)
Height: I don’t need someone tall just be taller than me. 5’8 and up
Job: must be successful and not a moocher. Must be richer than me or…

— Bebe Rexha (@BebeRexha) December 17, 2025

Кога станува збор за висината, на Реџа не ѝ треба „некој висок“, туку само „повисок од себе“, па затоа сите кандидати високи 173 см  и повеќе се прифатливи. Таа била особено детална кога се во прашање финансиите и кариерата. Пејачката навела дека идеалниот маж „мора да биде успешен и не смее да биде паразит“.

„Мора да биде побогат од мене или еднаков. Не им плаќам на мажите ниту правам 50/50“, додала таа.

Покрај тоа, таа ја изразила својата желба за „некој што има добра личност“ и „добар морал“, а исто така треба да биде „паметен и амбициозен“. Списокот го заклучила со повикот: „Испратете ми опции“.

Обожавателите го сфатиле повикот сериозно. Еден од нив ја прашал дали треба да ја „спои со неговиот татко“, на што Рекса кратко одговорила: „Да“.

Некои обожаватели дури ѝ ги понудиле и своите услуги.

„Мојот дм е отворен“, „Здраво, девојко, јас сум вистинскиот“, се само некои од коментарите…

Се чини дека пејачката веќе извесно време бара партнер. Минатиот месец објавила фотографии од себе во фустан со опис: „Во моментот прифаќам пријави за сезоната на врски“.

Реџа минатата година ја поврзуваа со архитектонскиот инженер Симос Љакос, а пред тоа беше во врска со Кејан Сафјари до јули 2023 година.

Кога станува збор за професионални новости, „Билборд“ објави дека пејачката неодамна потпишала договор со нова менаџерска компанија, што би можело да значи дека наскоро пристигнува и нова музика.

Инаку, американската музичка ѕвезда Бебе Реџа е со етничко албанско потекло од Македонија, чија мајка е од Гостивар, а таткото од Дебар. Реџа пред една година објави на својот инстаграм-профил покажувајќи дека дошла во посета на Дебар и сподели неколку фотографии и видеа од моментите со своите роднини.

ВИДЕО: Бебе Реџа горда на своето потекло од Македонија, пристигна во Приштина на Сани Хил фестивал

ФОТО | Бебе Реџа се врати во Дебар и порача: „Албанија, Косово, Црна Гора, Македонија, Прешево – сите се мојата Албанија“