ФОТО | Слатка скопска приказна: Улица, две вредни момчиња и неодоливо вкусни пуканки!
Налетавме на неодоливо слатка скопска приказна… Имено две вредни и чесни скопски момчиња смислиле многу симпатичен начин како да заработат некој денар, па така излегле на улица, преку својата тераса пуштиле кабел за струја и решиле со помош на машинка да прават пуканки за минувачите. Покрај вкусните пуканки, тие мамат и искрени насмевки кај минувачите кои се присетија на едно поранешно време во кое ова беше честа глетка. Нема да можете да одлучите кој е посладок, дали момчињата или пуканките.
Приказната во целост и преку фотографии ја раскажа професорката Марија Чичева-Алексиќ. А од нас, едно големо БРАВО момчиња, доаѓаме утре на тазе пуканки!
…
Ете, ова се најнови Скопски приказни. Децава си пуштиле кабел преку тераса и на машинка прават пуканки и ги продаваат. Ама толку се услужни, деловни и чесни, што ти иде да си речеш: Море, живо е се уште она некогашно Скопје, Скопје од мојата младост.
– Колку ви се пуканките?
– Има за 20 и за 30 денари.
– А ние од колку да земеме?
– Паа за 20.
– Добро, еве ви 100 и не треба кусур. Следниот пат кога ќе дојдам, ќе се пребиеме.
– Ааа, не може така! ( И ни вадат 8 книжни десет денарки и ни ги даваат)
– Е добро де, може ли бар бакшиж да ви дадеме?
– Ааа, не, никако!
Ма срцки се дечињава! Можеби и вие сте ги сретнале кај блокот на Градски Ѕид карши собрание. Не ги одминувајте, ќе ви го разубават денот, напиша таа во објавата на Фејсбук.