Британската актерка Сиена Милер со месеци беше далеку од очите на јавноста, а причината за тоа ја откри на доделувањето на Модните награди во Лондон. Имено, актерката која зрачеше со позитивна енергија, го покажа својот трудничи стомак на црвениот тепих.

Милер го очекува своето трето дете – второ со актерот Оли Грин, и се чини дека чекаше на церемонијата на доделувањето на Модните награди за да ја објави среќната вест.

Таа блесна на црвениот тепих во проѕирен фустан од колекцијата пролет/лето 2026 на „Живанши“. Фустанот имаше носталгичен призвук од 2000-тите, со референци на боемски стил и естетика слична на онаа што во минатото ја популаризираше пејачката Стиви Никс.

Инаку, Сиена има веќе две деца. Својата прва ќерка, Марлоу Стариџ, ја доби во 2012 година со нејзиниот поранешен партнер Том Стариџ. Тие беа во врска од 2011 до 2015 година.

Таа го доби своето второ дете – девојче, со актерот и модел Оли Грин,  што го потврди за медиумите на почетокот на 2024 година. Двојката сè уште јавно не го откри името на нивната ќерка.

Откако го добија нивното прво заедничко дете, Милер отворено зборуваше за нивната врска и за разликата во години меѓу нив. Во јуни 2024 година, Милер изјави за „Харперс Базар“ дека „не очекувала дека ќе го сфати сериозно“ во раните денови од нивната романса.

ФОТО | Сиена Милер со гол труднички стомак на црвениот тепих во Лондон