Македонската пејачка Антониа Гиговска го најави враќањето на музичката сцена со секси фотографии од снимањето на видеозаписот за новата песна.

Облечена во бела долна облека од тантела и со впечатлив накит, таа покажа дека изгледа одлично четири месеци по породувањето. На една од фотографиите е во спална соба, а на две е во када.

„Нек те друга сада гости. Брига ме, брига ме…“, напиша таа во описот на фотографиите.

Да потсетиме, Антониа Гиговска и нејзиниот сопруг Роберт Спасенцовски станаа родители на синот Кијан во јули годинава. Иако се млади, пејачката постојано потенцира дека одлично се снаоѓа во оваа нова улога во животот.

„Искрено, многу добро се снаоѓаме, не се ни сомневав во тоа со оглед на тоа што и јас и Роберт сме „дечари“. Ги охрабрувам сите млади на тој чекор, без разлика на стравот што секој го има и е нормален“, изјави Гиговска во интервју за „Слободен печат“.

Со Антониа Гиговска за мајчинството и за бракот: Со Роберт се допревме за раце и одеднаш нешто ми заигра во стомакот