Деновиве на социјалните мрежи почнаа да кружат гласини дека раперот Асап Роки ја изневерил Ријана со дизајнерката на чевли Амина Муади. Веста се прошири со молскавична брзина, а споменатата дизајнерка се огласи на својот инстаграм-профил велејќи дека гласините се лажни.

„Отсекогаш верував дека една неоснована лага која се шири на социјалните мрежи не заслужува никаков одговор или појаснување, особено ако е толку подла. Отпрвин претпоставував дека овие лажни озборувања, измислени со лоша намера, нема да бидат сфатени сериозно“, таа ја започна својата објава на „Инстаграм“.

„Меѓутоа, во последните 24 часа се потсетив дека живееме во општество кое толку брзо доаѓа до заклучоци за некои теми без разлика на фактичката основа и дека не постои граница. Дури и за време на она што треба да биде едно од најубавите и најславните моменти во животот“, напиша Муади мислејќи на бременоста на Ријана.

 

View this post on Instagram

 

A post shared by AMINA MUADDI 🧚🏽‍♀️ (@aminamuaddi)

Амина вели дека решила да прозбори за гласините не поради себе, туку поради луѓето кон кои има „голема почит и наклонетост“. Ријана и Асап Роки досега не ги коментирале јавно гласините за неверството и можното раскинување.

 

View this post on Instagram

 

A post shared by TUNE (@knamuora)

Да потсетиме, социјалните мрежи се разгореа откако Луис Писано, инфлуенсер и „моден критичар“ кој има над 130.000 следбеници на „Инстаграм“, објави дека Ријана и раперот пред неколку дена раскинале.

„Ријана и Асап Роки раскинаа. Ријана му раскина откако го фати како ја изневерува со дизајнерката на чевли Амина Муади“,  стоеше во објавата на неговиот твитер-профил.

 

Објавата се прошири со молскавична брзина, а инфлуенсерот потоа даде детали за дизајнерката со која наводно се вплеткал раперот.

Повеќе написи на темата:

Ријана и Асап Роки наводно раскинале откако ја изневерил со позната дизајнерка

Која е Амина Муади? Дизајнерката со која Асап Роки наводно ја изневери Ријана