Куќа во Лондон во која на почетокот на 20. век престојувал Владимир Илич Ленин е ставена за изнајмување и тоа по цена од околу 14.500 евра месечно, пишува „Еуроњуз“.

Станува збор за објект лоциран во улицата Грејт Перси, каде Ленин живеел за време на својот егзил во 1905 година, период во кој активно учествувал во политички активности.

Денес, куќата е целосно реновирана и прилагодена на современото живеење, но сè уште го задржува историскиот белег. Единствениот потсетник на револуционерот е сината спомен-плоча поставена на фасадата.

Имотот се наоѓа во историскиот дел Клеркенвел и располага со четири спални соби, повеќе дневни простории и уредена градина, а ентериерот е уреден во луксузен стил.

За време на престојот во британската престолнина, Ленин учествувал на состаноци на руската социјалдемократска партија и работел на политички публикации, додека дел од неговите активности се одвивале и во локалните пабови во околината.

Денес, ова место од историјата има сосема поинаква улога – дел е од пазарот на луксузни недвижности, достапно за оние кои можат да си дозволат да живеат во дом со богато историско минато.

Пијан Русин се обидел да го украде телото на Ленин