Претседателот на Руската Федерација Владимир Путин денеска пристигна во дводневна службена посета на Индија, а на аеродромот во Њу Делхи се случи несекојдневна ситуација поради која Кремљ итно реагираше со соопштение.

Владимир Путин допатува со својата делегација на руско-индискиот бизнис форум, а на аеродромот го пречека индискиот премиер Нарендра Моди, кој го прекрши протоколот за време на пречекот и без знаење на руската страна му пријде на рускиот претседател веднаш откако тој се симна по скалилата од авионот и стапна на црвениот тепих.

Се огласи Кремљ

Кремљ призна дека одлуката на премиерот Нарендра Моди лично да прошета по рампата и да го пречека претседателот Владимир Путин во Делхи ја изненадила руската страна, опишувајќи го гестот како неочекуван и како невообичаен дел од однапред договорениот протоколарен план.

🚨⚡️BREAKING AND UNUSUAL

Modi Breaks Protocol! 🇮🇳🇷🇺🔥

Indian Prime Minister Modi deviates from protocol and welcomes President Vladimir Putin at the airplane stairs in New Delhi with an embrace and the red carpet.

The Kremlin:

“Modi’s surprise decision to meet Putin at the… pic.twitter.com/JTs6cGrDqN

— RussiaNews 🇷🇺 (@mog_russEN) December 4, 2025

Спонтаната прегратка и добредојдие на Моди на аеродромот се толкуваат како силен сигнал на лична топлина и потврда на „специјалното и привилегирано стратешко партнерство“ меѓу Индија и Русија.

Агентите задолжени за обезбедување на рускиот претседател останале вчудовидени, бидејќи не биле информирани за измената во протоколот, што го потврди и Кремљ.

„Изненадувачката одлука на Моди да го пречека Путин на скалилата од авионот се случи без знаење на руската страна“, соопшти Кремљ.

ФОТО | Путин и Моди демонстрираа сила и доверба – светот внимателно гледа!