Латино ѕвездата Енрике Иглесијас повторно отвори мал прозорец во својот приватен свет и ги почести своите следбеници со објава што не се гледа често. Познатиот музичар сподели семејна фотографија направена на јахта, каде што позира со својата партнерка, поранешната руска тенисерка, Ана Курникова и нивните четири деца.

Покрај фотографијата само кратко напиша „фамилија“, но дури и тоа беше доволно за објавата да предизвика бројни реакции. Фотографијата прикажува опуштена атмосфера на брод, сончев ден и деца кои уживаат во заедничкиот момент, додека фотографијата очигледно ја снимила Курникова.

 

View this post on Instagram

 

A post shared by Enrique Iglesias (@enriqueiglesias)

Енрике Иглесијас и Ана Курникова со години важат за еден од најповлечените славни парови. Тие ретко зборуваат за својот приватен живот, а семејните моменти ги споделуваат со јавноста внимателно и повремено, поради што секоја нова објава веднаш предизвикува интерес.

Оваа фотографија привлече толку големо внимание и затоа што е првата семејна сцена што ја споделија во 2026 година, а фактот дека станаа шестчлено семејство на крајот на декември ѝ дава дополнителна топлина на целата приказна.

Нивното четврто дете е родено на 17 декември 2025 година, но дури и тогаш двојката остана доследна во својот пристап. Веста за доаѓањето на бебето ја објавија ненаметливо, со фотографија од породилното одделение и кратка порака „Сонце мое“, додека името и полот на најмладото дете сè уште официјално не ги откриле.

Не е првпат бременостите и новородените бебиња да ги држат подалеку од рефлекторите. Со текот на годините, едноставните објави на социјалните мрежи беа нивниот начин да потврдат големи животни новости, без дополнително изложување и без да ја претвораат приватноста во јавен спектакл.

Нивната врска трае од 2001 година, кога се запознаа на снимањето на музичкото видео за песната „Escape“ на Енрике. Оттогаш, тие се заедно речиси четвртина век, и иако никогаш не направиле голема јавна приказна од својот однос, интересот за нивната љубовна приказна не се намалил.

Во последните години се појавија и шпекулации дека можеби тајно се венчале. Гласините беа дополнително зајакнати од изјавата на братот на Енрике, Хулио Иглесијас Помладиот, кој во едно интервју навести дека неговиот брат немал голема венчавка, како и фактот дека Ана почнала да го користи презимето Курникова Иглесијас на своите јавни профили на социјалните мрежи.

Поранешната тенисерка Ана Курникова е во инвалидска количка

ФОТО | Бремената Ана Курникова објави ретки фотографии со своите деца