ФОТО: Распоред на натпревари и термини за меѓународниот ракометен турнир „Струга 2023“
Организаторите го објавија распоредот на натпревари за сите четири дена колку што ќе трае традиционалниот струшки ракометен турнир.
По 51 пат ќе се организира меѓународниот ракометен турнир од 16 до 19 август, на „Струга 2023“ ќе учествуваат шест екипи кои ќе играат на Ракометното игралиште „Горан Попоски-Бабец“.
Македонија ќе ја претставуваат домаќинот Струга, Вардар 1961 и РК Алкалоид, од Србија доаѓа Динамо Панчево, АЕК Атина од Грција и Ескилстуна Гуиф од Шведска.
Во групата „А“ се РК Алкалоид, АЕК Атина и Динамо Панчево, а во групата „Б“ Вардар 1961, Ескилстуна Гуиф и Струга.
Првиот ден на турнирот на 16 август официјално ќе почне од 18.30 часот со натпреварот меѓу РК Струга РК Вардар 1961, потоа во 19.55 часот е свеченото отворање, а од 20.40 часот ќе се сретнат РК Алкалоид и РК Динамо Панчево.