Додека принцезата Кејт Мидлтон и принцезата Шарлот синоќа уживаа во финалето на Вимблдон, принцот Вилијам и принцот Џорџ отпатуваа во Берлин за да ја поддржат фудбалската репрезентација на Англија во нивната борба за европската круна.

Таткото и синот со огромно внимание го следеа натпреварот од ВИП ложата, а според фотографиите се гледа дека и двајцата се страсни љубители на фудбалот и дека многу бурно ги следеле случувањата на теренот.

Принцот Вилијам и принцот Џорџ, беа облечени идентично – и двајцата во совршено скроени морнарски костуми, бели кошули и вратоврски на риги. Беше интересно да се видат таткото и синот во идентични комбинации. Не само што изгледаа исто, туку имаат и слично држење, гестови и движења.

На социјалните мрежи кружи една од нивните интересни заеднички фотографии од вчерашниот натпревар – онаа на која се гледа реакцијата на Вилијам и Џорџ кога Шпанија во 86. минута го постигна вториот гол со што дојде до предност пред Англичаните и која на крајот им донесе победа.

И двајцата се фатија за глава со раце, а на корисниците на Инстаграм и Твитер им беше неверојатно слатко што таткото и синот реагираа на идентичен начин.

И други фотографии од трибините покажуваат дека принцовите дури и се радуваат на сличен начин, а фановите се воодушевени од спонтаноста на Џорџ во оваа ситуација.

Имено, иако толку млад, како вистински иден крал, тој секогаш е многу одмерен и дисциплиниран во јавноста, но овој пат момчето си даде пауза и не можеше да ја потисне возбудата.

 

View this post on Instagram

 

A post shared by Catherine Princess of Wales (@katemiddletonprincessofwalesua)

Кејт Мидлтон се враќа во јавноста побрзо отколку што мислевме? Еве каде се очекува да се појави принцезата