Времето што Шон „Диди“ Комбс ќе го помине во сојузниот затвор е повторно скратено. Контроверзниот музички могул би требало да биде пуштен на слобода на 23 февруари 2028 година, потврди „Пејџ сикс“.

За потсетување, 56-годишниот рапер во октомври 2025 година беше осуден на 50 месеци (нешто повеќе од 4 години) затвор, откако беше прогласен за виновен по две точки од обвинението за транспорт со цел проституција.

Низа промени на датумот

Датумот на излегување на Комбс од затвор се менуваше неколку пати. Првично тој требаше да биде пуштен на 8 мај 2028 година. Веќе во ноември 2025 година, датумот беше поместен за 4 јуни истата година. До ова одложување дојде бидејќи Комбс прекрши повеќе затворски правила, вклучувајќи воспоставување на троен телефонски повик и конзумирање домашен алкохол. Во март оваа година, казната му беше намалена за шест недели, па новиот датум беше 25 април 2028 година. Оваа промена се поврзуваше со неговото вклучување во програма за рехабилитација од злоупотреба на дрога.

„Господин Комбс е активен учесник во резидентната програма за одвикнување од дрога и од самиот почеток сериозно пристапи кон рехабилитацијата. Тој е целосно ангажиран, фокусиран на личниот раст и посветен на позитивни промени“, изјави тогаш неговиот претставник.

Потоа, казната му беше дополнително намалена со датум на излегување 15 април, за сега да биде одреден најновиот датум во февруари 2028 година. Претставникот на Комбс не одговори веднаш на барањето за коментар за ова последно намалување.

Правната битка продолжува

Во меѓувреме, адвокатите на добитникот на Греми продолжуваат да се борат против осудителната пресуда од јули 2025 година. Жалбата ја поднесоа во декември минатата година, а борбата ја продолжија и со поднесок во март.

Нарекувајќи ја целата ситуација „изопачување на правдата“, адвокатите побараа „итно пуштање на слобода на Комбс и ослободителна пресуда или, во најмала рака, укинување на пресудата и враќање на постапката на повторно изрекување на казната“. Сојузните обвинители, од друга страна, бараат од судот да ја одбие жалбата, за која сè уште се одлучува.

Како започна сè?

Комбс беше уапсен во септември 2024 година и обвинет за злосторничко здружување, трговија со луѓе со цел сексуална експлоатација под присила, измама или притисок, како и за транспорт со цел проституција. По долготрајното судење, тој беше ослободен од потешките обвиненија, но беше осуден по две точки од обвинението за транспорт со цел проституција.

Адвокатите на Диди бараат итно ослободување од затвор и укинување на пресудата