Влатко Лозаноски – Лозано многу ретко објавува слики од својот син Марко, но неодамна тоа го направи една негова блиска личност.

Станува збор за сестра му Марија Лозаноска, која е писателка, уметник, лектор и професорка по македонски јазик. Гордата тетка сподели преслатка слика од неа и од Марко, кој во октомври лани наполни една година.

Пејачот тогаш за првпат објави повеќе слики од синот, а тоа го направи и неговата сестра, споделувајќи фотографии со нивните родители и внукот.

Брзо по крштевката, сопругата на Влатко Лозаноски – Лозано, Савка (Сава) Грачанин, објави фотографии од нивниот син Марко со специјален повод, иако таа својот приватен живот многу не го експонира, исто како и пејачот.

Повод беа првите чекорчиња на малиот Марко, а покрај овие фотографии гордата мајка напишала: „Детуле, лесни чекорчиња“.

Лозано, кој на 7 март ќе одржи концерт во Скопје, во салата „Борис Трајковски“, во интервју за „Слободен печат“ зборуваше за синот.

„Татковството е најодговорната, но и најубавата улога што сум ја имал досега. Те менува од корен, те учи на трпение, на безусловна љубов и на тоа да ги гледаш работите од поинаква перспектива. Секој ден е ново учење и, искрено, уживам во секој момент, без разлика дали е лесен или предизвикувачки. Се трудам да бидам присутен и вистински вклучен, затоа што верувам дека времето и вниманието се најголемиот подарок што можеш да му го дадеш на своето дете. Семејството ми е темел и сила и токму оттаму црпам инспирација и рамнотежа во сè што правам“, рече пејачот.

Разговор со Марија Лозаноска, професорка по македонски јазик: Да го сакаш мајчиниот јазик треба да биде најосновна обврска на секој човек