Чешкиот поранешен супермодел Паулина Поризкова (58) направи операција за замена на колк. На својот инстаграм-профил, каде што ја следат повеќе од милион луѓе, таа објави фотографии на кои покажува како изгледаат нејзините лузни по операцијата. Овие фотографии се направени седум дена по операцијата.

„Одејќи на оваа операција, не можев а да не мислам на лузните. Ги прегрнувам оние што ги имам. Но, немам желба за нови. На одмор постојано се збогував со мазната кожа на колковите, иако се чувствував виновна што бев толку суетна“, напишала Паулина.

По операцијата, лекарите ја предупредиле дека засеците ќе мора да ги покрие три дена, а кога ќе се извади завојот ќе изгледаат „згужвано“.

„Бев предупредена. Мислев дека засеците се главно – интересни? Ја проучував положбата на засеците, начинот на кој се правени шевовите и се восхитував на работата на двајцата вешти доктори. Како тие засеци да не беа на мене…“,  додаде таа.

„Знам дека лузните наскоро ќе станат дел од мене. Тие ќе бидат потсетник на старите болки и новите победи. Ќе се придружат на сите други ‘натписи’ на моето тело и ум – и видливи и невидливи – што на крајот, ќе биде лепакот што ме држи, мрежа од скршеници што зараснале посилно. И како и сите други лузни, внатре и надвор, ќе ги прифатам. Ќе се гордеам со нив“, напиша таа.

Поризкова објасни дека е родена со вродена дисплазија на колкот,  која потенцијално доведува до остеоартритис или фрактура на колкот. ‘Рскавицата на колковите ѝ се истрошила, па таа била принудена на операција.