ФОТО | Почна Филмскиот фестивал во Венеција: Новиот филм на Алмодовар ја отвори Мостра, почесен „Златен лав“ за Бенињи
Победникот ќе биде објавен на 11 септември, на крајот на фестивалот, втор од почетокот на пандемијата.
Меѓународниот филмски фестивал во Венеција, 78-ми по ред и најстар во светот, во средата вечер беше отворен со новото остварување на Педро Алмодовар, кој се натпреварува за главната награда на „Златниот лав“ заедно со истакнатите колеги како што се Џејн Кемпион и Паоло Сорентино.
View this post on Instagram
Алмодовар, двократен оскаровец, сѐ уште не добил некоја поголема награда во Венеција. Тој го претставува својот нов филм „Паралелни мајки“, во кој глуми неговата омилена актерка Пенелопе Круз. Филмот ја раскажува приказната за две жени кои се породуваат во ист ден во исто породилиште. Режисерот и неговата муза, и двајцата облечени во црно, прошетаа по традиционалниот црвен тепих на кино палатата, на Лидо во Венеција спроти морето, со блицовите на фотоапаратите, но без публика, поради мерките против ковид-19.
View this post on Instagram
На свеченото отворање, почесниот „Златен лав“ му беше врачен на италијанскиот режисер и актер Роберто Бенињи, незаборавниот автор на филмот „Животот е прекрасен“. Наградата му ја врачи новозеландската режисерка Џeјн Кемпион.
View this post on Instagram
Филмот на Алмодовар ќе се натпреварува со 20 филмови. Претседател на жирито е Јужнокореецот Бонг Џун-хо, добитник на „Златна палма“ во 2019 година со филмот „Паразит“ и Оскар за најдобар филм следната година.
Во жирито се и француско-белгиската актерка Вирџини Ефира и американската режисерка со кинеско потекло Клои Жао. Таа минатата година го освои „Златниот лав“ со филмот „Номадленд“, кој триумфираше на Оскарите неколку месеци подоцна.
View this post on Instagram
Победникот ќе биде објавен на 11 септември, на крајот на фестивалот, втор од почетокот на пандемијата.
Минатата година, фестивалот се одржа во стеснето издание, пред да пристигнат вакцините против ковид-19. Иако здравствените мерки сѐ уште се применуваат, овогодинешната Мостра ќе биде одбележана со враќањето на големите имиња на филмот на Лидо, со повеќе од 59 претставени земји.