Ковчегот со телото на кралицата Елизабета вчера пристигна во Вестминстерската сала на Бакингемската палата во поворка која траеше триесет и осум минути. Кралското семејство ѝ оддаде почит на кралицата Елизабета Втора во Вестминстерската сала откако дворјаните присуствуваа на кратка служба, а Меган Маркл длабоко се поклони пред ковчегот на кралицата – еден од нејзините последни потези во чест на поранешниот британски монарх.

Во претходното интервју со Опра Винфри, кое деновиве е предмет на различни критики, Меган Маркл откри дека пред првата средба со кралицата морала брзо да го научи протоколот, односно поклонот и дека поранешната снаа на Елизабета Втора, војвотката од Јорк ѝпомогнала во тоа.

Со својот вчерашен гест Меган трогна многумина, додека кај други предизвика револт. Мислењата се поделени. Дел од јавноста ги смета за лицемерни потезите на Меган кон кралицата и укажуваат на сложениот однос што постоел меѓу неа и кралското семејство.

Вистина е дека „мегзитот“ предизвикан од американската актерка и британскиот принц беше тежок удар за Елизабета Втора, но не треба да го игнорираме фактот дека Меган и Хари се обидоа да ја заштитат кралицата од закани насочени кон кралството.

По кратката служба, Меган и Хари беа видени како се држат за рака, како Зара (внуката на кралицата Елизабета Втора) и Мајк Тиндал – што беше снимено по 38-минутната поворка до Бакингемската палата.

Принцот Хари одеше заедно со својот брат принцот Вилијам за време на последното патување на кралицата од Бакингемската палата до Вестминстерската сала, додека Меган пристигна со автомобил со Софи, грофицата од Весекс.

Кралот и постарите членови на кралското семејство го поздравија ковчегот додека осум војници од четата на кралицата од првиот баталјон на гардата на Гренадир го носеа во салата. Поворката ја следеа постарите братучеди на кралицата, принцот Мајкл од Кент и војводата од Кент.

Заедно со војводата од Кент беше војвотката од Сасекс, грофицата од Весекс, принцезата од Велс, а потоа и кралицата Консорт.

Меган како да испушти длабока воздишка додека ковчегот на кралицата поминуваше пред неа.

Телото на кралицата пристигна во Вестминстер: Меган Маркл и принцезата Кејт во различни автомобили

ВИДЕО: Се онесвести гардист кој го чуваше ковчегот на кралицата Елизабета

„Фамозното“ интервју на Опра со принцот Хари и Меган номинирано за „Еми“