Босанската пејачка Џејла Рамовиќ го одложи својот концерт во Скопјe кој требаше да се одржи синоќа, 5 декември, бидејќи, според нејзините наводи, организаторите не ја подготвиле целата потребна документација, пишува „Радио Сараево“.

„Драги мои, вечерва требаше да настапам во Скопјe и искрено се радував на нашето дружење. За жал, и покрај големите напори на организаторите, како и секој претходен пат, навреме да ги обезбедат сите потребни документи за да можеме јас и мојот бенд да си ја завршиме работата непречено, тоа овој пат не се случи“, напиша пејачката.

Во продолжение, Рамовиќ нагласила дека безбедноста на публиката, нејзиниот тим, како и сопствената безбедност ѝ се најважни.

„За да избегнеме какви било непријатности, одлучивме да го одложиме настапот додека не се решат сите административни работи. Ви благодарам за разбирањето, трпението и поддршката. Подготвена сум и едвај чекам да ве видам штом ќе се создадат сите услови за убав и безгрижен концерт, каков што отсекогаш сум имала во Северна Македонија. Ве прегрнувам силно“, додала пејачката.

Потсетуваме дека Џејла Рамовиќ и нејзиниот бенд неодамна беа приведени во Кичево, затоа што не поседувале дозволи за работа. По инцидентот, пејачката рекла дека ги доставиле сите потребни документи до организаторот, вклучително и дозволата за настап.

Музичари од Босна и Херцеговина настапувале во Кичево на диво

МВР поднесе пријава против босанската пејачка Џејла Рамовиќ, настапувала без дозвола во Кичево