ФОТО: По емитувањето на интервјуто објавена досега невидена фотографија од Меган и Хари
Само неколку часа по емитувањето на интервјуто на социјалните мрежи, се појави фотографија од Меган и Хари кои гушнати позираат во нивната градина.
Фотографот Мисан Хариман, близок пријател на парот, објави досега невидена фотографија од нивната градина. На црно-белата фотографија се гледа како Хари ја прегрнува бремената Меган, додека таа во рацете го држи нивниот син Арчи. Инаку, Хариман ја сними и фотографијата со која Меган објави дека е повторно бремена.
View this post on Instagram
„Колку прекрасна вест на Меѓународниот ден на жената. Ви честитам, пријатели и Хари, добредојдовте во клубот на татковци на девојчиња“, напишал фотографот во описот на емотивната глетка што многумина сега ја споделуваат на социјалните мрежи.
За потсетување, парот во интервјуто со Опра Винфри откри дека очекуваат девојче кое на свет треба да дојде ова лето.
Првото големо интервју по напуштањето на кралските должности
Неделното интервју беше првото големо интервју на двојката откако тие се преселија од Велика Британија и ги напуштија кралските должности. Меган призна дека се соочила со самоубиствени мисли за време на нејзината бременост, а Хари изјави дека неговиот татко, принцот Чарлс го изневерил.