ФОТО | Памела Андерсон се омажи за својот телохранител, во тајност: Шести брак за познатата русокоса од „Чувари на плажата“
Актерката Памела Андерсон ги изненади нејзините бројни обожаватели објавувајќи дека повторно се омажила. Само една година откако стави крај на бракот кој траеше само 12 дена, Памела повторно го кажа судбоносно „да“ и објави дека се омажила за својот телохранител Ден Хејхурст.
Заносната русокоса родена во Канада, позната по улогата во хит серијата „Чувари на плажата“, е една од оние кои и покрај сите разочарувања во минатото, никогаш не губат верба во љубовта.
Се чини дека карантинот влијаеел позитивно на нејзиниот живот, бидејќи таа е повторно вљубена.
За време на пандемијата кога сите седевме дома, Памела се вљубила во својот телохранител, а парот се венчал на Божиќ минатата година.
Ова е шести брак за поранешната зајачица на „Плејбој“.
„Јас сум таму каде што и треба да бидам, во прегратките на човекот што ме сака“, е изјавата Памела, за „Дејли меил“.
Памела и Ден се венчале во Канада, но поради глобалната пандемија на коронавирусот, на свечениот ден не присуствувале многу гости. Станува збор за имот кој се наоѓа во Ладисмит на источниот брег на островот Ванкувер, каде што Памела се пресели во јули 2019 година и инвестирала милион долари во реновирање на куќата.
Памела на денот носела раскошна венчаница и превез на „Валентино“ и гумени чизми „Хантер“.
Памела досега судбоносното „да“ го има кажано шест пати. Таа се омажи за Џон Питерс пред една година, но тие поминале само 12 дена во брак. Таа исто така беше мажена за музичарот Томи Ли од метал групата „Motley Crue“, со кого има и два сина.
Памела исто така беше мажена за друг рокер Кид Рок и за Рик Саломон, најпознат по секс – видеото со Парис Хилтон во 2004 година, со кого се омажи два пати!
Инаку, актерката објави и дека се повлекува од социјалните мрежи бидејќи не сака да заработуваат на неа.