ФОТО | Памела Андерсон ќе ја раскаже својата приказна за „Нетфликс“: Не сум жртва, туку борец
Откако контроверзната серија „Pam & Tommy“ беше прикажана на „Hulu“, Памела Андерсон е подготвена да ја сподели својата страна на скандалот на конкурентот на стриминг платформата „Netflix“.
Славната двојка Памела Андерсон и Томи Ли Џонс, се најде во центарот на медиумското внимание во 1990-тите откако протече нивна секс снимка во јавноста.
„Памела Андерсон е подготвена да ја раскаже својата приказна во нов документарец“, објави во средата официјалниот профил на „Netflix“ на „Твитер“.
„Филмот, кој се снима веќе неколку години, ќе ја прикажува иконата на поп-културата како ја поправа историјата додека се навраќа на својот професионален пат и личното патување“.
Pamela Anderson is ready to tell her story in a new documentary.
The film, which has been in the making for several years, will feature the pop culture icon setting the record straight as she looks back on her professional path and her personal journey. pic.twitter.com/vSNvsQPE48
— Netflix (@netflix) March 2, 2022
„Мојот живот“, стои во објавата. „Илјада несовршености, милион погрешни перцепции… Можам само да ве изненадам – не жртва, туку борец и жива за да ја раскаже вистинската приказна“.
Обожавателите застанаа зад Андерсон во коментарите. Многу од нив напишаа дека ќе ја отфрлат „Pam & Tommy“ за да го гледаат документарецот на „Netflix“, за кој тврдат дека е „направен со нејзина согласност“, за разлика од серијата на „Hulu“, а нејзините синови, Брендон и Дилан Ли, ја споделија објавата, со опис „вистинската приказна“.
Синот на Андерон, Брендон ќе биде продуцент на филмот со Рајан Вајт како режисер. Додека треба да се одреди насловот на документарниот филм, Андерсон веќе објави три книги: „Pandemonium“ во 1997 година, „Star Struck“ во 2005 година и „Raw“ во 2015 година.
Серијата „Pam & Tommy“ на „Hulu“ – во која глумат и Себастијан Стен како тапанарот на Мотли Кру и сега бившиот сопруг на Андерсон, Томи Ли – ја следи емоционалната криза на нововенчаните откако електричар им украде домашно порно видео откако ќе биде отпуштен од работа.
ФОТО | На Лили Џејмс ѝ биле потребни „3 до 5 часа трансформација“ за да личи на Памела Андерсон