Пред точно 23 години започна музичката приказна на една од најголемите македонски поп-ѕвезди. Елена Ристеска, денес препознатливо име не само на домашната, туку и на регионалната сцена, својата кариера ја започна со победа во шоуто „M2 Плеј – Потрага по ѕвезда“.

Токму тој момент беше пресвртница што ѝ ги отвори вратите кон професионалната музичка сцена, а публиката за првпат ја запозна со нејзиниот моќен вокал, харизма и сценска енергија. Како круна на таа победа, следеше и нејзината прва песна „Она другото“, со која Елена го означи почетокот на една успешна и долготрајна кариера. По тој повод таа на својата инстаграм-приказна сподели фотографии од настапот на шоуто за таленти и се потсети на почетоците и првата песна со која се претстави пред публиката.

Денес, 23 години подоцна, Елена Ристеска е симбол на континуитет, квалитет и автентичност, со бројни хитови, награди и настапи зад себе. Оваа објава е носталгично потсетување на почетокот на патот кој од една млада надеж создаде музичка ѕвезда што трае и инспирира.