Родителите на Ејми Вајнхаус, Мич и Џенис, објавија фрагменти од нејзините приватни белешки, од времето кога таа била тинејџерка, за да го одбележат 40-тиот роденден на покојната пејачка, пишува „Дејли мејл“.

Срцепарателните белешки, даваат увид во нејзините мисли и чувства, во кои пишува дека таа е задоволна што е „различна“ од сите други. Таа, во белешките, се прашувала дали „љубовта ќе ѝ се појави на патот“ и раскажувала каков е партнерот од нејзините соништа.

Во извадоците објавени од „Телеграф“, Ејми напишала: „Задоволна сум што сум поинаква. Не сакам да бидам како сите други. Сакам да имам свој индивидуален стил. Сакам да бидам гласна и да им зборувам на луѓето. Таква сум јас“.

Пејачката искрено напишала и за тоа како се борела со своите чувства. Раскажала дека го мрази својот темперамент. На моменти тоа многу ја мачело, што дури станувла физички насилна со оние што ги сака.

Родителите на Ејми изјавиле дека ги разгледале сите нејзини работи, откако таа починала и откриваат дека нејзините белешки не пренесувале толку многу мака и беда, како што се очекувало, но го признаваат и нивното ограничено разбирање за нејзината комлексна личност.

Ејми  почина  на 23 јули 2011 година во нејзиниот стан во Камден, од труење со алкохол, по прекумерно пиење, по период на апстиненција.

Нејзиниот живот беше исполнет со злоупотреба на дрога и алкохол, комплицирани љубовни приказни, а се бореше и со булимија.

Која е Валери од истоимената песна на Ејми Вајнхаус?