Украинскиот бренд „ТТСВТРС“, познат по облеката што создава илузија на тетовирана кожа, лансираше нова колекција костими за капење, идеална за сите оние што планираат летен одмор „во последен момент“.

Новото издание, како што наведуваат во соопштението за медиумите, ја имитира „голата кожа, тетоважите и различните нијанси на исончаниот тен“.

 

View this post on Instagram

 

A post shared by TTSWTRS clothing brand 🇺🇦 (@ttswtrs)

Колекцијата доаѓа во две варијанти на бои што имитираат исончен тен: „Копенхаген“ (Copenhagen), посветла верзија, и „ЛА“ (LA), која го претставува потемниот тен.

Во понудата се наоѓаат едноделни костими за капење и бикини, а двата модели се дизајнирани да се стопат со телото и да создадат впечаток на втора кожа.

Специфичноста на овие костими за капење се рефлектира во мотивите на тетоважите. Тие се создадени во соработка со уметници како што се: Лонг бој, Масимо и Бургерким.

 

View this post on Instagram

 

A post shared by TTSWTRS clothing brand 🇺🇦 (@ttswtrs)

Силуетите се осмислени за верно да ги копираат уметничките дела директно на телото, а самата колекција го следи начинот на кој кожата постепено потемнува на сонце.

Придружната кампања ја истражува идејата за цензура. Преку провокативни пози и визуелност, брендот си поигрува со општествените норми и ги испитува границите на слободата на изразување.

Моделите на костими за капење се достапни на официјалната веб-страница на брендот „ТТСВТРС“ .

 

View this post on Instagram

 

A post shared by TTSWTRS clothing brand 🇺🇦 (@ttswtrs)