Бразилската манекенка Жизел Бундшен блесна на црвениот тепих пред свечената вечера во организација на бразилскиот бренд за накит „Вивара“.

Таа се појави во прекрасна златна тоалета, која ја искомбинира со златни потпетици и златна ташничка.

Ова е нејзино прво јавно појавување по разделбата со рагбистот Том Брејди, со кого официјално се разведе пред два месеци.

„Во последните неколку денови, јас и мојата сопруга го финализиравме разводот по 13 години брак. Ние спогодбено дојдовме до оваа одлука и сме благодарни за времето кое го поминавме заедно. Ние сме благословени со прекрасни деца кои ќе продолжат да бидат во центарот на нашите животи. Ние ќе продолжиме да работиме заедно како родители и ќе се потрудиме да ги добијат љубовта и вниманието кои ги заслужуваат“, напиша Брејди непосредно по разводот.

Како потсетување, Бундшен и Брејди се венчаа во Санта Моника, Калифорнија, на 26 февруари 2009 година. Тие се родители на 12-годишниот син Бенџамин и 9-годишната ќерка Вивијан, а Брејди го има и 15-годишниот син Џек со поранешната партнерка.