Поп-пејачот Влатко Лозаноски – Лозано објави специјална фотографија со својот син Марко, со која покажа дека „крушата под круша паѓа“.

Лозано за првпат се појави во вакво издание и ја воодушеви јавноста. Иако својата приватност ја држи подалеку од рефлекторите, овојпат не одолеа да сподели момент што вреди илјада зборови.

На фотографијата, Лозано е во целосна моторџиска опрема, со стилска црна кацига, внимателно и заштитнички држејќи го својот син Марко пред себе. Малиот Марко е облечен во впечатлива жолта јакна и капче со ликот на Мики Маус, додека љубопитно ги разгледува деталите на моторот.

Она што најмногу паѓа во очи е заштитничкиот став на Лозано – неговите раце се цврсто околу Марко. Пријателите коментираа дека малиот Марко веќе е подготвен за авантури, исто како и неговиот татко.

„Ајде само напред“, „Срцка, нека расте со уживање“, се само дел од коментарите под објавата.

На концертот што Лозано го одржа на 7 март во Арената „Борис Трајковски“ во Скопје, еден од најемотивните моменти беше кога на сцената го изнесе и својот син Марко. Тој носеше маичка со натпис „Километри љубов за тато“, што публиката го поздрави со силен аплауз.

Салата беше исполнета со бројна публика која уживаше во неговите најголеми хитови и во концертот насловен „Километри љубов“.

Неодамна, „2Бона“ и Влатко Лозаноски – Лозано ја објавија својата прва заедничка песна „Минус и плус“.

ФОТО+ВИДЕО | Лозано ја расплака публиката со песни од „ДНК“ и Тоше, арената се претвори во „ѕвездено небо“