Македонската ракометна репрезентација ја оствари основната зацртана задача со изборениот настап на Европското првенство 2026, но прогнозите за натамошен успех не се охрабрувачки.

Анализата на Европската ракометна федерација (ЕХФ) покажува дека „жолто-црвените“ имаат само 8,9 проценти шанси да ја поминат групната фаза. Ждрепката не беше наклонета кон Македонија, која се најде во исклучително тешка група со актуелниот светски шампион Данска, силната селекција на Португалија и Романија, што значително ги намалува шансите за евентуално изненадување.

Во проценките на ЕХФ, на македонската репрезентација не ѝ се предвидува реална можност ниту за пласман во четвртфиналето, ниту за борба за медали и настап на завршниот викенд од шампионатот. Полоши изгледи за продолжување понатаму имаат само Грузија, Фарските Острови, Романија, Италија и Украина, што јасно ја сместува Македонија меѓу аутсајдерите на турнирот.

Европското првенство Македонија го почнува вечерва против Данска во терминот од 20:30 часот.

ВИДЕОАНКЕТА: Што очекувате од ракометната репрезентација на Европското првенство?