Македонскиот 30-годишен фудбалер Љупче Дориев благодарение на одличните настапи во дресот на Согдиана доби големо признание во Узбекистан.

Нашиот напаѓач е прогласен за најдобар странски играч во узбекистанскиот шампионат.

Претходно годинава Дориев доаѓаше и до награди за играч на месецот.

Македонецот во 2551 минута помината на фудбалските терени во Узбекистан, или на 30 натпревари, запиша 16 голови и шест асистенции.

Согдиана го заврши првенството на осмото место со 37 бодови, а на врвот се најде Нефчи Фаргона со 64 бодови.

Дориев заврши втор најдобар стрелец во шампионатот со 16 голови, четири помалку од првопласираниот Игор Сергеев од редовите на Пахтакор.