Алина Кабаева (39), поранешна гимнастичарка и наводна долгогодишна љубовница на рускиот претседател Владимир Путин, се појавила на гимнастичкиот куп „Евгенија“ во сибирскиот град Омск, кој се организира за деца од украинските подрачја окупирани од Русија. Поранешната освојувачка на златни олимписки медали, која ретко може да се види во јавноста, позирала со млади спортисти и други членови на жирито.

Кабаева наводно долго се криела во Швајцарија, каде што според шпекулациите, во 2015 година родила дете на Путин. Но, нејзините патувања на Запад сега се драстично ограничени поради санкциите кон Русија.

Британскиот таблоид „Дејли мејл“ пишува дека Алина летала за Омск под силно обезбедување и дека не се знае колку долго таа ќе остане во Сибир.

Веќе некое време се шпекулира дека Кабаева цели кон голема политичка улога во режимот на Путин. Според една теорија, таа сака да ја наследи претседателката на државниот сенат на Советот на Федерацијата, Валентина Матвиенко (74), највисоко позиционирана жена-функционер во опкружувањето на Путин, за која многумина веруваат дека е подготвена да се пензионира.

„Ваквиот непотистички потег на крајот може да значи и дека Кабаева сака да го наследи Путин на функцијата претседател“, пишува „Дејли мејл“.

Поранешната гимнастичарка во моментот е шефица на медицински конгломерат во сопственост на олигарх лојален на Путин.

Се верува дека рускиот претседател и Алина се во врска од 2008 година, а Путин тогаш сè уште беше во брак со поранешната прва дама на Русија Људмила.

Алина Кабаева за првпат во јавноста откако беше наречена „љубовница“ на Путин

ФОТО | Љубовницата на Путин, Алина Кабаева се појави во јавноста

„Сан“ тврди: Љубовницата на Путин е бремена по трет пат, рускиот претседател е лут