Пејачката Лепа Брена го посети шпанскиот остров Палма де Мајорка, каде се одржува дводневна венчавка на Србин и Хрват. Како што пренесува српски „Курир“, белграѓанецот, кој со години живее во Шпанија се венчава со својот партнер, архитект од Хрватска, по речиси децениска врска.

Брена пристигнала на островот за да присуствува на загревањето пред церемонијата што се одржала викендов. Пејачката уживала на свадбата со роднините на младоженецот и нивните најблиски пријатели, а во еден момент дури и застанала на сцената и направила атмосфера за паметење.

Покрај пејачката, на островот е и познатиот белградски шминкер Драган Вурдеља, долгогодишен пријател на младоженецот.

Брена неодамна настапи со Александра Пријовиќ на нејзиниот втор концерт во белградската арена, каде заедно извеле неколку песни.