Бакингемската палата има нов член. Британските медиуми пренесуваат дека кралот Чарлс е воодушевен од своето ново милениче, кученце од престижната раса Лагото Ромањоло, кое е познато по доброто сетило за мирис и способноста да бара тартуфи.

Ова е раса потекнува од италијанскиот регион Емилија Ромања. Кучињата се со средна големина и имаат карактеристично кадраво крзно, поради што секогаш изгледаат неуредно разбушавено.

 

View this post on Instagram

 

A post shared by Harpers Lagotti (@harperslagotti)

Кралот сè уште не го покажал своето ново домашно милениче кое наводно го добил на подарок, но судејќи според фотографиите од оваа раса кои се наоѓаат на социјалните мрежи и на интернет, кученцата изгледаат апсолутно неодоливо, па не е изненадување што, кучето кое го доби името Снаф (Snuff) веднаш го освоило срцето на Чарлс.

Медиумите наведуваат дека новиот член на семејството ќе му биде верен придружник на кралот, кој е љубител на долги прошетки во природа, берење печурки и други активности на отворено.

Ова е прво куче на кралот Чарлс по повеќе од дваесет години, бидејќи во 2002 година умре Џек Расел териер, по име Тига, кој го доби кога основаше семејство со принцезата Дијана.