Серија оригинални фотографии на НАСА од мисиите „Аполо“ биле продадени за вкупно 157.000 евра на аукција во Копенхаген, пренесува „Ројтерс“.

Во колекцијата од 74 фотографии во приватна сопственост од мисиите „Аполо 8-17“ е вклучена и познатата прошетка на Баз Олдрин на месечината за време на првото слетување на Месечината во јули 1969 година, која беше продадена за 7.000 евра.

Во колекцијата е и фотографијата на Баз Олдрин во астронаутско одело и Нил Армстронг, кој се гледа во одразот на визирот на Олдрин, а беше објавена на насловната страница на списанијата „National Geographic“ и „Life“ во 1969 година.

Првото посведочено „изгревање“ на Земјата во боја од човечки суштества, направена за време на мисијата „Аполо 8“ во 1968 година, беше продадена по највисока цена од 12.000 евра.

 

View this post on Instagram

 

A post shared by Tajamul Fayaz (@tajamulfayazlone)

Оригиналните винтиџ фотографии на НАСА беа издадени во ограничен број за научно проучување и објавување во меѓународни списанија.

Аукциската куќа соопшти дека продавачот е странец со врски со Данска, но не го откри идентитетот ниту на продавачот, ниту на купувачите.

Ви се оди на Месечината? Пријавете се на следната мисија на НАСА