ВИДЕО | Нилски коњ по седум години почнал чудно да се однесува, направен е ДНК тест, сите во Зоолошката занемеле
На вработените во Зоолошката градина во Јапонија им биле потребни седум години да утврдат дека не е тој, туку таа.
Чуварите забележале дека 12-годишниот нилски коњ Ген-чан не се однесува како типичен мажјак, па бил направен ДНК тест, пишува Би-би-си.
Резултатот од тестот бил – тој не е мажјак, туку женка!
Ген-чан пристигнала во Осака од Мексико во 2017 година, а во царинските документи било наведено дека е машки пол.
Во објавата на сајтот минатата недела, Зоолошката градина Осака Тенои ја потврдила веста за вистинскиот пол на нилскиот коњ.
Во објавата се вели дека Ген-чан пристигнала во нивната Зоолошка градина од животинскиот парк Африка Сафари во Мексико кога имала пет години и дека била прогласена за мажјак.
Во соопштението се вели дека, бидејќи Ген-чан во тоа време сè уште бил младунче, тие не ги провериле документите.
Но, на чуварите на Зоолошката градина им станало сомнително додека Ген-чан созревал/а и не можеле визуелно да ги идентификуваат машките репродуктивни органи.
Портпаролката на Зоолошката градина во Осака во вторникот изјавила за АФП дека Ген-чан не покажувал никаков интерес за женките, односно не им се додворувал, ниту, пак, со движењето на опашката како пропелер расфрлал фекалии додека вршел нужда, што нилските коњи-мажјаци го прават за да обележат територија.
– Ќе се погрижиме да не се повторат вакви грешки – изјавил заменик директорот на Зоолошката градина, Кијоши Јасуфуку.
Зоолошката градина потврди дека Ген-чан нема да го менува името.
