Принцезата од Велс, Кејт Мидлтон уште еднаш го потврди статусот на модна икона, овојпат во Шкотска, каде што за првпат се појави во капут со сопствен дизајн – а деталите навистина се воодушевувачки.

Како што пренесува „Пејџ сикс“, Кејт Мидлтон лично учествувала во креирањето на ова модно парче. Во соработка со престижниот шкотски бренд „Џонстонс од Елгин“ (Johnstons of Elgin) и искусниот кројач Крис Кер, таа го усовршила тартан-дезенот, кој подоцна бил претворен во елегантен долг капут со двојно закопчување.

За посетата на Националната академија за керлинг во вторникот, Кејт покажа како традицијата и модерниот стил можат совршено да се спојат. Комбинацијата ја започна со темносина ролка од „Зара“, ја надополни со луксузно здолниште од колекцијата Johnstons of Elgin x Le Kilt во вредност од 1.695 долари, обу класични црни чизми од велур од Gianvito Rossi, а како впечатлив финален акцент го носеше новиот син капут со кариран дезен, кој го привлече целото внимание.