ФОТО | Кејт Мидлтон испрати силна порака за Светскиот ден за борба против ракот: Објави фотографија направена од нејзиниот 6-годишен син Луис
Кејт Мидлтон, принцезата од Велс, испрати силна порака на социјалните мрежи за Светскиот ден за борба против ракот, само три недели откако јавно објави дека е во ремисија по хемотерапијата.
Препорачано
Светскиот ден за борба против ракот се слави на 4 февруари, а Кејт ја сподели својата порака ден претходно. Имено, таа сподели фотографија на која стои насмеана во шумата со кренати раце, а како што откри, фотографијата ја направил нејзиниот шестгодишен син Луис.
„Не заборавајте да го негувате сето она што лежи надвор од болеста“, напиша принцезата и го додаде и хаштагот #Светски ден за борба против ракот.
Don’t forget to nurture all that which lies beyond the disease. C #WorldCancerDay
? Prince Louis pic.twitter.com/fcAo39ntWs
— The Prince and Princess of Wales (@KensingtonRoyal) February 3, 2025
Инаку, природата беше посебен извор на задоволство и омилен начин за опуштање за Кејт за време на нејзиниот третман. Принцезата поголемиот дел од минатата година го помина на лекување од рак, а во септември ја информираше јавноста дека завршила со хемотерапија, додека на 14 јануари објави дека нејзината болест е во ремисија.
Кејт постепено се враќа на своите кралски обврски и се обидува да ги исполни сите потребни кралски должности.
ВИДЕО | Принцот Луис ги насмеа сите со својот танц на крунисувањето на неговиот дедо
