Нашата пејачка Ивона Јовановиќ, позната како Ивона Јо (29) неодамна се венча со нејзиниот сакан Кристијан Тодоров (25). Тие стапија во брак само еден месец по романтичното запросување што се случи на почетокот на јануари.

Сега, Ивона одлучи да објави неколку фотографии од нивниот најсреќен ден. Во серија фотографии кои ги сподели на нејзиниот инстаграм-профил пејачката блеска во бела венчаница со чипкани детали и во рацете држи елегантен букет од кали. Таа и нејзиниот избраник се посреќни од кога било.

– Те сакам бескрајно – напиша таа покрај фотографиите.

Да потсетиме, Ивона и Кристијан ја објавија својата прва фотографија на социјалните мрежи на почетокот од јануари годинава, а неколку дена подоцна пејачката откри дека нејзиниот партнер ја запросил.

„По Неговата милост, го започнуваме ова поглавје. Моето најлесно ‘да’“, напиша тогаш пејачката, изненадувајќи ги своите следбеници со оваа убава вест.

Предновогодишно интервју со Ивона Јо, пејачка: Животот е многу краток — гушнете ги вашите најблиски