ФОТО | Германска принцеза позираше за „Плејбој“: Ова ќе му се допаднеше на мојот прадедо
Германската принцеза Ксенија Флоренс Габриела Софи Ајрис позирала гола за „Плејбој“ и со тоа стана првата аристократка која се соблекла за споменатото списание.
„Сакам да покажам дека секоја жена е убава таква каква што е“, вели 37-годишната Ксенија, која тврди дека е поврзана со 1.000-годишната германска династија Ветин.
„Искрено, би била многу изненадена доколку моето античко благородно семејство го купи списанието, но се надевам дека барем ќе го толерираат овој мој потег“, изјавила таа.
Таа е убедена дека нејзиниот прадедо, последниот крал на Саксонија, Фредерик Август III, би одобрил да позира без облека, пишува „НДТВ“.
„Сите велат дека тој бил смешен, човек полн со љубов“, изјавила таа во интервју за „Плејбој“.
Принцезата, која е и пејачка, колумнист и ѕвезда на бројни реални шоуа, во интервју за магазинот открила и дека постојано се бори со предрасудите поради нејзината титула.
Фотографијата можете да ја погледнете ТУКА.