За актерката Маргот Роби, линијата меѓу „Барбиленд“ и реалниот свет не постои, барем во деновите кога таа стапнува на розовиот тепих за да го промовира својот нов филм „Barbi“. Маргот и нејзиниот стилист Ендрју Мукамал одвреме-навреме со голем успех рекреираат некои од најпознатите комбинации кои ги носат куклите Барби на „Мател“ (Mattel).

Тие беа инспирирани од најразновидните парчиња облека на популарната Барби – од елегантен црн фустан од шеесетите, до розов мини фустан со метален ремен од деведесеттите.

За премиерата на филмот „Барби“ во Лос Анџелес на 9 јули, Маргот Роби носеше елегантен црн фустан од модната куќа „Скијапарели“, кој беше инспириран од Барбиката од 1960 година, наречена „Сама во центарот на вниманието“. Не изостана ниту бледо розова марама која куклата ја носеше и во раката.

Во Мексико Сити, Роби беше инспирирана од една Барбика од 1990-тите, со краток фустан од „Балмеин“ и богати сребрени додатоци. Срцата и ѕвездите отсекогаш биле поврзувани со популарната кукла.

Маргот Роби за прес-конференцијата одржана во Сеул избра блескава комбинација, а овој пат станува збор за куќата „Москино“. Актерката носеше и капа, исто како и Барби.

На премиерата во Сеул, актерката претстави две комбинации – еден за денот, реплика на Версаче на „деловниот“ сет на Барби од 1985 година, а вечерта во романтичен фустан од тул потпишан од истата куќа.

Една од поновите барбики беше инспирација за точкастиот мини фустан на Валентино, кој Маргот Роби го носеше на фотосесија во Лос Анџелес во јуни оваа година.  Дури и жолтата чанта беше поврзана со куклата од 2015 година.