Ќерката на веројатно најголемиот возач во историјата на Формула 1, Михаел Шумахер, Џина Шумахер, преку социјалните мрежи му го честиташе роденденот на својот татко со емотивна објава.

На својот Инстаграм профил таа сподели фотографија на која насмеани се Михаел и неговата сопруга Корина, заедно со нивните деца, Мик и Џина.

„Најдобриот засекогаш! Среќен роденден, тато“, напиша Џина во описот на фотографијата.

Ќе потсетиме, легендарниот Германец на 29 декември 2013 година доживеа тешка несреќа при скијање во француските Алпи, во Марибел, при што сериозно ја повреди главата. По инцидентот беше ставен во медицински индуцирана кома и оттогаш целосно се повлече од јавниот живот.

За Шумахер во нивниот дом крај Женевското Езеро се грижат неговата сопруга Корина и внимателно одбран медицински тим, додека информациите за неговата здравствена состојба и понатаму остануваат строго доверливи.

Во својата блескава кариера, Михаел Шумахер освои седум титули светски шампион и запиша 91 победа, достигнувања поради кои многумина и денес го сметаат за најголемиот возач во историјата на Формула 1.

 

View this post on Instagram

 

A post shared by Gina Schumacher (@gina_schumacher)

Преземено од: Спорт.ком.мк