Легендарниот холивудски актер Џек Николсон се појави во јавноста, и тоа по многу посебен повод. Актерот во средата го прослави својот 89-ти роденден, а неговата ќерка Лорејн го одбележа големиот ден споделувајќи фотографија на Инстаграм од својот славен татко на социјалните мрежи.

На фотографијата, Николсон е прикажан со својата препознатлива широка насмевка додека ракоплеска, седејќи во друштво на музичката икона Џони Мичел. Лорејн објави и една „винтиџ“ фотографија од актерот, на која тој опуштено ужива со пура во раката.

Како што е веќе познато, Џек Николсон во последните години се повлече од јавниот живот и холивудскиот гламур, избирајќи мирен живот зад сцената. Сепак, најновата објава покажува дека легендарниот актер и на 89 години не ја изгубил својата харизма и сè уште изгледа како вистинска ѕвезда.