Луксузниот бренд „Диор“ е обвинет за расизам на кинеските социјални мрежи поради реклама во која е прикажана азиска манекенка која со прстот го крева аголот на окото нагоре.

Француската куќа ја објави фотографијата на својот инстаграм-профил претходно оваа недела, пред брзо да ја отстрани, објави „Би-би-си“. „Диор“ не даде јавни изјави по овој повод.

Кинеските корисници на интернет се сè почувствителни на прикажувањето на Кинезите среде растечкото националистичко расположение на интернет.

This is the @Dior ad! #marketing #ads #promotion #digitalmarketing #china #makeup pic.twitter.com/gJcLVDfGoz

— Dor Cornelio🏆 (@DorCornelio) April 13, 2023

Контроверзната фотографија беше објавена пред седум дена за да се промовира новата колекција на шминки на „Диор“. На неа се гледа како манекенката го крева окото со натпис „Канализирајте ја својата мачкина жестина“.

Фотографијата подоцна беше повторно објавена на кинеските платформи за социјални медиуми, каде беше критикувана и беше објавен вирален хаштаг „Реклама за шминка на ‘Диор’ обвинета за дискриминација на Азијците“ на Веибо.

Бесни коментари го преплавија инстаграм-профилот на оваа француска модна куќа, а најмногу лајкови доби коментарот „Тоа е расна дискриминација“.

French fashion brand #Dior again found itself accused of racial discrimination after it allegedly posted a photo of a half face of an #Asian woman lifting her eye, which is widely regarded as “slanted eye” pose — a derogatory gesture toward Asians. (Global Times) pic.twitter.com/69DTJN77gR

— Beijing Business Today (@BusinessBeijing) April 12, 2023

Кинескиот државен весник „Глобал тајмс“ објави уреднички текст во кој го повикува брендот да се извини.

„Повлекувањето на очите наназад… го исмева изгледот на Азијците, особено на источните Азијци“, пишува весникот, додавајќи дека се надева дека „Диор“ ќе се соочи со своите грешки, ќе упати искрено извинување, ќе одговори на азиското општество и ќе даде јасни изјави за тоа како за да се спречат слични проблеми да не се појават во иднина.

Некои корисници на интернет, исто така, ги повикаа кинеските познати личности кои го промовираат „Диор“ да ги прекинат своите договори со модната куќа.