Во натпревар со неверојатна завршница, Манчестер јунајтед вчера успеа да слави победа од 5-4 над Лион по продолженија и така да се пласира во полуфиналето од Лигата на Европа.

Избраниците на Рубен Аморим по првото полувреме имаа водство од 2-0, но потоа Лион дојде до 2-2, а во продолженијата постигна и уште два гола за водство од 2-4 се до самата завршница.

„Црвените ѓаволи“ во последните моменти од натпреварот успеаа во шест минути да постигнат три гола за голем пресврт и славје. Во ваквиот развој на настаните во центарот на вниманието се најде едно детенце, фан на „црвените ѓаволи“.

Детенцето прво беше снимено во кадарот со солзи додека неговиот тим губеше со 2-4 за само неколку минути подоцна да се израдува на голем пресврт.

 

View this post on Instagram

 

A post shared by The Sun Football (@thesunfootball)