Деми Мур се присети на заедничките моменти поминати со Брус Вилис и откри дека гледањето на еден филм зазема посебно место во нејзиното срце. За време на разговор со Кејт Хадсон на специјална проекција на најновиот филм „Song Sung Blue“, таа истакна дека Брус имал посебен ден во неделата посветен на Нил Дајмонд, пренесува „Дејли Мејл“.

Дајмонд во 1972 година ја претстави песната „Song Sung Blue“, која воедно беше инспирација за насловот на филмот.

„Гледањето на филмот постојано ме потсетуваше на моментите кога Брус го имитираше Нил Дајмонд. Кога ќе го прашав што се случува, ќе ми кажеше дека денот е посветен на Нил Дајмонд. Тоа го правеше со години, беше негов голем обожавател, а и јас исто така“, изјави Мур.

На проекцијата на филмот „Song Sung Blue“ присуствуваа и Леонардо Дикаприо, Ал Пачино, Марк Руфало и Дејвид О. Расел.

Инаку, Мур и Вилис и по разводот останаа блиски пријатели.

„Сè уште ја сакам Деми и сме многу блиски. Имаме три деца кои ќе продолжиме заедно да ги одгледуваме и веројатно сега сме блиски како и секогаш. Свесни сме дека сме посветени на нашите деца“, изјави Вилис во едно дамнешно интервју.

ФОТО | Деми Мур објави нови фотографии од Брус Вилис: Актерот херојски се бори со исклучително тешкиот противник