Арсенал денеска го претстави новиот домашен дрес за следната сезона, кој ќе биде користен и во последните два натпревари од актуелната во која клубот е во трка за шампионската титула.

Дресот и овојпат е изработен во соработка со „Адидас“ и ја задржува препознатливата традиционална црвена боја на лондонскиот клуб, но е збогатен со нови дизајнерски детали.

Фудбалерите на Микел Артета премиерно ќе настапат во новиот комплет на последниот домашен натпревар оваа сезона, кога во понеделник ќе го пречекаат Барнли.

Овој дуел може да биде и потенцијално шампионски за Арсенал, доколку претходно Манчестер сити не успее да слави против Борнмут. Натпреварот е закажан за понеделник со почеток во 21:00 часот.