Силвестер Сталоне ѝ го честиташе роденденот на својата сопруга Џенифер Флавин, објавувајќи неколку заеднички фотографии од минатото на Инстаграм, меѓу кои и онаа на која позира со сопругата во костим за капење „Спидо“.

„Среќен роденден на мојата сопруга Џенифер! Јас и нашите деца мислиме дека сте апсолутно неверојатни. Те сакаме засекогаш“, ѝ напиша тој, а неговата објава собра повеќе од 300.000 допаѓања.

Инаку, ова е трет брак на актерот. Сталоне и Флавин се запознале во 1988 година – кога таа имала 19, а тој 42. Сталоне раскина со неа во 1994 година, откако беше откриено дека ја изневерил со супермоделот Џенис Дикинсон. Имено, Дикисон останала бремена и се верувало дека актерот е таткото, но откако ДНК тестот покажал дека тоа не е така, Флавин се вратила. Тие се венчаа една година подоцна и имаат три ќерки, Софи, Систин и Скарлет.